Ndiheni gjithmonë të lodhur? Shkaku mund të jenë punët që vazhdoni t’i shtyni
Wednesday 26 August 2026, 17:05
Dritare.net
Mesazhet pa përgjigje, takimet që nuk i keni caktuar dhe bisedat e vështira që vazhdoni t’i shmangni mund t’ju lodhin mendërisht më shumë nga sa mendoni.
Psikologët i quajnë këto detyra të papërfunduara “qarqe të hapura”. Ato vazhdojnë të qëndrojnë në mendje, njësoj si shumë skeda të hapura që ngadalësojnë një kompjuter.
Sipas ekspertëve, shtyrja e vazhdueshme e punëve mund të shtojë stresin dhe ankthin, si edhe të ndikojë në tretje, vetëvlerësim dhe shëndetin fizik. Shpesh njerëzit i shmangin detyrat për shkak të frikës nga rezultati, lodhjes ose dëshirës për t’i bërë në mënyrë të përsosur.
Ekspertët këshillojnë që detyrat të ndahen në hapa shumë të vegjël dhe të punohet gradualisht. Edhe një veprim pesëminutësh mund të krijojë besim dhe të ndihmojë në kapërcimin e zvarritjes. Nëse kjo gjendje lidhet me ankthin, depresionin ose ADHD-në, rekomandohet ndihma e një profesionisti./BBC
