Jam 34 vjeç dhe ndjej se po më ikën mosha. Këshilla e psikologes!
E Hënë 10 Mars 2025, 13:01
Dritare.net
Përshëndetje Psikologe Enertila
Unë që ju drejtohem kam një problem me veten. Jam 34 vjeç dhe ndihem gjithmonë në presion se po më ikën mosha dhe nuk do të kem mundësi për shumë gjëra, madje edhe nuk do të mund të argëtohem. Dua të kuptoj se çfarë është duke ndodhur me mua?
Përshëndetje lexues të Dritare.net
Shumë njerëz përjetojnë disa shqetësime kur janë duke u afruar ose në fund të të 20-tave. Një pjesë e sfidës së kësaj kohe është që njerëzit të bëhen më të qëndrueshëm dhe të dinë të përballojnë jetën. Është një kohë kur shumica e njerëzve mendojnë se nuk do të ketë eksperienca të mëdha pas kësaj moshe. Ballafaqimi me ndryshimet dhe sfidat e moshës madhore mund të çojë në krizë. Shoqëria ushtron shumë presion mbi vendimet, kjo është arsyeja pse shumë njerëz përfundojnë duke reflektuar shumë për gabimet e së kaluarës.
Ka shumë faktorë psikologjikë që mund të shkaktojnë një krizë të tillë. Duke reflektuar mbi identitetin tuaj, ju mund të shihni se sa shumë keni evoluar gjatë rrjedhës së jetës tuaj. Vetë-vëzhgimi mund të jetë në themel të këtyre problemeve psikologjike që lindin gjatë viteve. Kjo gjendje karakterizohet kryesisht duke i bërë vetes pyetje të thella se çfarë duam realisht në jetën tonë, pavarësisht se çfarë po ndodh rreth nesh.
Një nga simptomat më të vazhdueshme është ndjenja se nuk mund të përshtateni me botën e jashtme. Njerëzit shpesh mendojnë se nuk janë në vendin e duhur. Në këndvështrimin tim për të përballuar këtë situate bashkë me të gjitha presionet që vinë me të unë do t’ju sugjeroja që shpesh të pushoni idenë se duhet të kishit përmbushur tashmë të gjitha qëllimet tuaja.
Ky është një mendim që jo vetëm mund të pengojë qëllimet , por mund të jetë edhe një besim shumë negativ për veten. Pavarësisht të gjitha besimeve apo kërkesave që ju bëjnë njerëzit përreth jush, duhet të keni parasysh se jeta është e juaja dhe duhet të bëni me të atë që dëshironi me të vërtetë. Nëse nuk doni të keni fëmijë, mos bëni. Nëse dëshironi të ndryshoni profesionin ose vendin e punës dhe keni dëshirën për ta bërë këtë, merrni këtë vendim.
Çelësi është të pranojmë se kush jemi dhe të dimë se çfarë duam të shijojmë këtë fazë të re të jetës. E dashur lexuesja jonë gjithçka që bëni është e dobishme. Ndonjëherë ne shikojmë prapa dhe shohim vetëm mendime pesimiste. Edhe nëse nuk i arrijmë qëllimet tona, shumë nga gjërat që bëmë na ndihmuan t'u afroheshim atyre, edhe nëse mund të mos duket kështu në shikim të parë.
Pavarësisht asaj që shumë besojnë, ndryshimi është i mundur. Pra, nëse doni të përmirësoni disa aspekte të vetes që nuk ju pëlqejnë, tani është koha më e mirë. Në vend që të ankoheni për atë që nuk ju pëlqen tek vetja, motivoni veten për të bërë më mirë.
E dashur lexuesja jonë është thelbësore që të mos besoni thjesht se jeni në një moment të keq ose se po plakeni. Shpresoj shumë që këndvështrimi im t’ju ndihmojë në situatën tuaj. Gjithë të mirat./dritare.net
