Pse na tingëllojnë veshët dhe a duhet të shqetësohemi?
E Shtunë 2 Janar 2021, 18:06
Dritare.net
Ndonjëherë, pas një koncerti ose ekspozimi ndaj tingujve ose zhurmave tepër të larta, ne mund të perceptojmë një tingull gumëzhitës. Nuk e dimë burimin se nga na vjen dhe çuditërisht ne e dëgjojmë vetëm kur është heshtje e plotë. Por pse ndodh ky fenomen? Simptoma e tingëllimit të veshit është e përkohshme dhe mund të jetë delikate ose në disa raste, aq intensive sa që e bën të vështirë zhvillimin e një bisede. Por nëse tingëllima zgjat shumë ose është kronike e përsëritur, kjo mund të ndërhyjë në jetën e përditshme të atyre që e përjetojnë atë.
Shkaku i këtij tingulli gumëzhitës të pazakontë? Tinitusi ndodh për shkak të dëmtimit të qelizave të vogla të flokëve të vendosura në veshin tonë të brendshëm. Këto qeliza formojnë fije të vogla afër kokleas që lëvizin sipas valëve të zërit që arrijnë në veshët tanë. Nervi i dëgjimit më pas i percepton dhe interpreton këto valë si tinguj. Por kur fijet lëndohen, ato dërgojnë një mesazh të pasaktë dhe sinjali i gabuar dërgohet në trurin tonë, gjë që na bën të dëgjojmë një stimul që nuk është vërtet i pranishëm. Mund të ndodhë për shkak të:
- Ekspozimit ndaj një zhurme të lartë.
-Dylli i veshit gjithashtu mund të jetë shkaku i tringëllimë në veshët ose edhe infeksioni në vesh.
- Një shkak tjetër janë ndryshimet në presionin e gjakut.
-Lëndimet e kokës dhe qafës, ose edhe stresi i tepruar në këto zona, mund të çojnë në tringëllimë të veshit sepse ato janë të lidhura me dëgjimin tonë.
-Kur artikulacioni temporomandibular (vendi ku nofulla takon kafkën) pëson ndonjë ndryshim ose dëmtim, ai mund të shkaktojë tringëllimë te veshët për shkak të afërsisë së tij me veshin.
-Përdorimi i ilaçeve, si ato kundër depresionit, antibiotikët dhe pilulat e ujit gjithashtu mund ta shkaktojnë këtë simptomë./K.C/dritare.net
