Nëse deri në mesnatë nuk mbërrin asnjë listë, Komisioni Zgjedhor lajmëron kuvendin, por se çfarë do të ndodhë më pas nuk parashikohet në kodin zgjedhor. Kriza në Maqedoni është thelluar pas vendimit të presidentit Ivanon për faljen e politikanëve nën hetim për korrupsion dhe krime të tjera.
Ky zhvillim ka sjellë zemërimin e qytetarëve që vijojnë protestat në të gjithë vendin. Ndërkombëtaret prej ditësh janë në kontakt të vazhdueshëm me partitë politike në përpjekje për tejkalimin e krizës, por deri tani nuk ka shenja kompromisi. BE e ka bërë të qartë se u takon liderëve politikë të Maqedonisë të gjejnë një zgjidhje.
