Ana Kallaku flet për marrëdhënien me Xhensila Myrtezajn pas ndarjes së Besit
E Mërkurë 18 Qershor 2025, 17:05
Dritare.net
Në një kohë kur ndarjet romantike shpesh sjellin edhe krisje në marrëdhëniet shoqërore apo familjare, moderatorja Ana Kallaku ka folur për herë të parë mbi raportin e saj me ish-kunatën, këngëtaren Xhensila Myrtezaj. E ftuar në një intervistë për ATV, motra e Bes Kallakut është pyetur për marrëdhënien e saj me Xhensilën pas ndarjes së bujshme të çiftit.
Ana sqaroi se raporti mes tyre nuk është prishur dhe se të dyja vazhdojnë të mbajnë kontakte, madje e ndjekin njëra-tjetrën në rrjetet sociale. Moderatorja theksoi se për të, njerëzit që kanë qenë pjesë e rëndësishme e jetës, mbeten gjithmonë të respektuar, pavarësisht se si ndryshojnë rrjedhat e jetës.
Deklarata e Anës ka marrë vëmendje të madhe në rrjet, duke u vlerësuar si një qëndrim i pjekur dhe i matur në një situatë të ndjeshme familjare./K.C/dritare.net
