Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Tronditëse/ E mitura denoncon babain: Më tregon organet gjenitale. Arrestohet 60 vjeçari

E Martë 6 Dhjetor 2016, 13:01

Dritare.net

Tronditëse/ E mitura denoncon babain: Më tregon organet gjenitale.
Një 60 ­vjeçar nga Tirana ka rënë në prangat e Policisë ditën e sotme pasi akuzohet se ushtronte dhunë si dhe e ngacmonte seksualisht vajzën e tij. Shërbimet e Komisariatit të Policisë Nr. 6 , arrestuan në flagrancë shtetasin e identifikuar si Stefan P., 60 vjeç.

“Ky shtetas, dyshohet se në mënyrë sistematike ka ushtruar dhunë fizike dhe psikologjike ndaj bashkëshortes së tij, shtetases M. P., 43 vjeçe, si dhe fëmijës së mitur V.P. Rreth orës 18:30, duke qenë nën ndikimin e alkoolit, Stefan P., dyshohet se ka kërcënuar me jetë vajzën e tij me anë të një thike dhe ka qenë ndërhyrja e nënës e cila ka parandaluar ngjarjen. Gjithashtu vajza e mitur, ka deklaruar përpara oficerëve të policisë dhe psikologes se, i ati i saj vazhdimisht kryente veprime të turpshme, duke i treguar organet e tij gjenitale. Për M. P. dhe V. P., iu plotësua urdhëri i menjëhershëm i mbrojtjes”, thuhet ne njoftimin e Policisë.

Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprat penale të “Dhuna në familje” dhe “Vepra të turpshme”, parashikuar nga Neni 130/a dhe 108 të Kodit Penal.