Shkarkimi i Metës/ Komisioni i Venecias: Me 11 tetor do të japim raportin përfundimtar!

Ka përfunduar takimi i delegacionit të Komisionit të Venecias me Komisionin Hetimor, i cili kishte në fokus shkarkimin e Presidentit Ilir Meta. Drejtuesi i delegacionit, Kaarlo Tuori, pas takimit, tha se e kanë një ide të qartë nëse Presidenti e ka shkelur Kushtetutën dhe në datën 11 tetor do të japin raportin përfundimtar.

"E kemi një ide të qartë, nëse e ka shkelur Presidenti Kushtetutën. Të gjitha takimet kanë qenë produktive, pasi morëm një informacion për të krijuar opinionin që do të dalë në 11 tetor", tha Kaarlo Tuori.

Kujtojmë se ditën e djeshme, Komisioni i Venecia ka zhvilluar takim me politikanët e opozitës dhe mazhorancës./E.B-dritare.net