Robert Bosch: Protestat e opozitës, po dëmtojnë imazhin e Shqipërisë

Ish-ambasadori holandez i OSBE-së, Robert Bosch ka folur së fundmi për krizën politike në Shqipëri. Bosch u shpreh se, protestat e opozitës po krijojnë një opinion negativ për vendin tonë. Bosch tha se, shumë votues janë skeptikë për çeljen e negociatave, dhe vendi ynë duhet t’u tregojë se, po lufton kriminalitetin, po zhvillohet vetingu dhe shumë reforma të tjera janë ndërmarrë.

“Në Shqipëri thuhet se po bëhen protesta të mëdha sepse njerëzit janë shumë të pakënaqur me qeverinë, e cila akuzohet që është e lidhur me krimin e organizuar dhe kjo është çfarë ata thonë. Por kjo krijon një opinion shumë negativ për vendin sepse edhe pse nuk e thonë, ndjehet dhe sigurisht është diçka shumë negative. Dhe opinion pastaj është se çfarë vendi është ky, I lidhur me krimin e organizuar, megjithëse është diçka që thuhet, pa pasur ndonjë provë. Dhe këto ndikojnë në vendimin e vendit tuaj dhe të qeverisë tuaj. Jo, por bëhet fjalë për parlamentarët dhe votuesit e tyre. Shumë votues janë skeptikë për Ballkanin Perëndimor në përgjithësi sepse mendojnë që nga këto vende vjen krimi dhe pse duhet të jenë me ne në BE. Ndaj duhet t’u thoni që kjo nuk është e vërtetë, që po luftoni kriminalitetin dhe që po zhvillohet procesi I vetingut dhe shumë reforma të tjera që po bëhen. Këto janë gjëra shumë të mira dhe kjo gjë duhet theksuar. Po punoni ngushtë me autoritetet dhe policinë holandeze. Ndaj ka shumë gjëra të mira që po bëhen dhe këto duhen thënë. Por dua t’i them diçka të gjithë politikanëve shqiptarë dhe liderëve shqiptarë ju lutem punoni për Shqipërinë, mos punoni për veten tuaj dhe për partinë tuaj, por ju lutem punoni për Shqipërinë dhe shqiptarët.

Keni ndonjë emër?

Nuk kam emra. Ia drejtoj mesazhin të gjithëve, kujdesuni për vendin, jo për veten tuaj dhe interesit e partisë, në mos nëse partia i shërben interesit të njerëzve. Njerëzit e zakonshëm në Shqipëri dhe në Kosovë që duan të kenë një jetë më të mirë, e meritojnë të kenë një jetë më të mirë. Ndaj, mos kaloni mbi kokat e të tjerëve, ju duhet të ecni përpara me integrimin evropian dhe kjo mund të bëhet nëse të gjitha partitë punojnë së bashku dhe jo kundër njëri-tjetrit.”,- tha Bosch./K.C/dritare.net

LEXO DHE :   Besnik Muçi pas shkarkimit: Vijoj detyrën në gjykatë!

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.