Rama thirrje ndërtuesve: Do t’i riparoni një më një pallatet, me supervizor mbi kokë!

Kryeministri i vendit, Edi Rama gjatë takimit me ndërtuesit në Durrës u ka bërë thirrje atyre që të fillojnë riparimin e ndërtesave që vetë ndërtuan dhe u dëmtuan. Rama u shpreh se, askush nuk mund t’i fshihet kësaj përgjegjësie dhe se gjatë riparimit do të kenë nga një supervizon në kokë.

“Sot ka mënyra të ndryshme, është puna e juaj. Ne do t’ju japim standardin, do ju vëmë supervizorin në kokë, se s’kemi besim. Pastaj prokuroria ka punën e saj. Ne s’do ta lëmë pa bërë këtë punë, por i bie që të marrim lekët e taksave dhe nuk shkon kjo punë. Mos kurseni, mos kujtoni se mund të ikni dhe s’do jepni llogari nesër. Ia keni detyrim këtyre njerëzve dhe familjes suaj”,- tha Rama./K.C/dritare.net