Punonjëses së policisë në Durrës, i vihet tritoli në oborrin e shtëpisë

Gjatë natës ka shpërthyer një sasi tritoli në oborrin e shtëpisë së një punonjëseje të policisë në Durrës. Mësohet se ngjarja ndodhi në lagjen nr.17/1.

Në oborr ishte parkuar automjeti tip ‘Audi’, i cili është në pronësi të punonjëses së policisë, Ornela Buraku. Si pasojë e shpërthimit ka vetëm dëme të vogla materiale.

Ndërkohë, mësohet se policia ka shoqëruar në komisariat 10 persona, për t’u marrë në pyetje./K.C/dritare.net