Prokuroria e Katanias, mbyll dosjen hetimore për Tahirin

Me një vendim të datës 5 tetor të këtij viti, drejtësia italiane, në Katania  ka vendosur mbylljen e hetimeve për ish-ministrin e Brendshëm, Saimir Tahiri. Kërkesa e Prokurorisë italiane dhe vendimi i Gjykatës, ishin ato që dorëzoi Tahiri ditën e sotme në Prokurorinë e Krimeve të Rënda. Sipas disa dokumenteve, të siguruara nga ‘balkanweb’, më 15.03.2018, në përfundim të hetimeve që zgjatën thuajse 5 muaj, Prokuroria e Antimafies, në Itali i ka kërkuar Gjykatës Italiane të mbyllë hetimet për Tahirin me arsyetimin se “nuk ka elementë” të përshtatshëm për të mbështetur akuzën”.

Megjithëse nuk ka dyshim mbi përmendjet e bëra nga Habilaj Moisi gjatë përgjimeve, veçanërisht ku përmend se duhet ti japë 30.000 euro një “Saimir” ose në pjesët ku flet për blerjen e disa bizhuterive për bashkëshorten dhe të ëmën e Saimir Tahirit, në vlerësimin e Prokurorisë, në mungesë të përgjigjeve të vlefshme nuk egzistojnë elementët e vlefshëm për të ngritur akuzë në gjyq.” ,- shkruhet në deklaratën e prokurorit të antimafias italiane.

LEXO DHE :  Kastriot Islami: Në parlament e merrja fjalën njëherë në 6 muaj

Në 19.03.2018,  Prokurori konfirmon kërkesën e Prokurorit të Antimafias për mbylljen e hetimeve ndaj Tahirit duke i hapur rrugë kështu vendimit të Gjykatës.

“Gjykata, duke vlerësuar kërkesën e Prokurorit dhe duke pranuar në mënyrë të plotë argumentat e prokurorit, në bazë të nenit 409-411 KPP, vendos mbylljen e hetimit për çështjen në shqyrtim dhe depozitimin e akteve pranë prokurorisë.” Vendim i cili është marrë Gjykata Italiane e Catanias më 5 tetor, bazuar në kërkesën e Prokurorit të Antimafias./K.C/dritare.net

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.