Rudina Xhunga: Rexhep Qosja dhe testamenti i tij për shqiptarinë!
E Enjte 10 Prill 2025, 14:02
Dritare.net
Akademiku shqiptar Rexhep Qosja fitoi sot çmimin Lumo Skëndo. Pjesë e jurisë që dha këtë çmim ishte gazetarja Rudina Xhunga.
Në ceremoninë e ndarjes së çmimit në Qendrën Kombëtare të Librit dhe Leximit, gazetarja dhe shkrimtarja e njohur u shpreh se:
“Çmimi Lumo Skëndo shkon për akademikun dhe shqiptarin e madh Rexhep Qosja. Letërsia, arti dhe kultura na bëjnë bashkë, na çojnë përpara, na qytetërojnë dhe frymëzojnë. Na mësojmë të besojmë e vlerësojmë njëri-tjetrin pavarësisht çfarë bindjesh, feje apo gjinie kemi.
Ndjehem krenare që isha pjesë e jurisë që vlerësoi me çmimin Lumo Skëndo, një vepër testament, të një njeriu shqiptar mbi shqiptarët, që nuk ka hequr dorë asnjëherë së na dashuri, pavarësisht se sa pak ne e duam veten.
Gjithmonë mirënjohëse profesor Rexhep Qosjes, për veprën e artë.
View this post on Instagram
Rexhep qosja është thesar, është burim i dashurisë për shqipen dhe shqiptarët. Faleminderit profesor Rexhep Qosja”, u shpreh gazetarja Rudina Xhunga./l.f-dritare.net
