Rudina Hajdari: Babai u tha studentëve që më mirë vras fëmijët, se sa t'ju tradhtoj!
E Premte 9 Dhjetor 2022, 09:09
Dritare.net
Ish-deputetja, Rudina Hajdari rrëfeu një bisedë të patreguar më herët për babain e saj, Azem Hajdarin, i cili ishte lideri i lëvizjes studentore 1990-1991 që çoi drejt rënies së regjimit komunist. Hajdari tregoi se ai u kishte dhënë besim të gjithë studentëve, duke u thënë se nuk do t’i tradhtonte për asnjë arsye.
“Ai në atë moment ka thënë një fjali, për të gjithë studentët që i mbajti aty atë natë ai u bë lideri atyre. Ai tha që nëse unë ju tradhtoj juve më mirë mbys fëmijët e mi, e tha më ashpër se kaq, më mirë u fus thikën në gurmaz fëmijëve të mi se sa t’ju tradhtoj juve. Ishte një fjali shumë e rëndë sa ndaloi gjithë turmën që të dëgjonte se ç’po thoshte ka qenë dëshmitar doktor Berisha, e kam dëgjuar prej tij. Unë ndjej atë vërtetësinë e tij, kur dëgjoj ato fjalë, ndjej faktin që rrugëtimin në politikë është një amanet i tij.
Unë si fëmijë kam kaluar vështirësi, ai ka qenë shumë i dashur me fëmijët e tij dhe familjen dhe e quante kohën e tij shumë të vyer. Momentin që babai im u plagos në parlament dhe e mori veten aq shpejt, shkonte me karrocë në çdo aktivitet, u çonte me paterica, ai kishte një guxim që unë s’e kam parë tek njeri tjetër”, tha Hajdari./L.F-dritare.net
