Dyshja e njohur e ekranit dhe mikeshat e pandara, Arbana Osmani dhe Xhemi Shehu, kanë zgjedhur ishullin grek të Mykonos-it për të kaluar disa ditë relaksi dhe dielli.
Moderatorja e njohur Arbana Osmani dhe aktorja e dashur Xhemi Shehu janë duke ndarë momente nga pushimet e tyre në rrjetet sociale, duke treguar se po shijojnë çdo çast së bashku.
Të dyja shfaqen të qeshura, të relaksuara dhe me stil në fotografitë e postuara, ndërsa fansat nuk kanë nguruar t’i komplimentojnë për pamjen, energjinë pozitive dhe miqësinë e gjatë që i lidh.
Mykonos-i, i njohur për plazhet e mrekullueshme dhe jetën e gjallë të natës, duket se është zgjedhja perfekte për dy mikeshat.
Kjo nuk është hera e parë që Arbana dhe Xhemi udhëtojnë së bashku – miqësia e tyre shumëvjeçare është kthyer në një model për shumë ndjekës të tyre, të cilët admirojnë mënyrën si e mbështesin njëra-tjetrën në çdo hap të jetës personale dhe profesionale./L.F-dritare.net
