Numri 2 i LDK, Lutfi Haziri: Nuk i besoj qeverisë Hoti!
SHKRUAR MË 2 Qershor 2020
Dritare.net
Numri 2 i Lidhjes Demokratike të Kosovës, nënkryetari i saj, Lutfi Haziri ka shprehur hapur mosbesimin e tij për qeverinë, kryeministri i së cilit vjen nga partia e tij.
“Kohëve të fundit jam më pak i angazhuar, sepse po ndërtohet një qeveri të cilës unë nuk i besoj. Një qeverie që i kam besuar më shumë, nuk arriti suksesshëm me e përballu mandatin”, ka thënë Haziri për Mediafokus.info.
Ai ka thënë se nuk e ka problem t’i shpreh haptas qëndrimet e tij.
“Kjo është bindja ime dhe ky është guximi im politik që ta them para secilit nivel, para secilit qytetar dhe para secilit lider, sepse besimin tim politik nuk mund të ma ndalojë askush. Unë jam lojal në vendime, respektoj vendimet e shumicës, angazhohem për aq sa më kërkojnë me u angazhu, por kjo është bindja ime dhe natyrisht nuk ka nevojë Nuk ka nevojë Gjilani me pas raporte armiqësore me kryeministra dhe as me ministra, sepse ne jemi të varur nga vendimet e tyre”, ka deklaruar Haziri./ I.M-Dritare.net
