Moderatorja e njohur Arjola Shehu me koronavirus!
E Diel 27 Shtator 2020, 17:05
Dritare.net
Moderatorja e njohur, Arjola Shehu është prekur nga koronavirusi.
Këtë e ka bërë të ditur vetë moderatorja, në ditën e saj të lindjes.
Nëpërmjet një postimi në “Instastory”, ajo ka zbuluar se është infektuar nga koronavirusi dhe i duhet të qëndrojë në shtëpinë e saj e izoluar.
Ajo ka treguar se ka temperaturë e cila është një ndër shenjat që shoqërojnë Covid-19.
“Sigurisht, kjo ditëlindje për mua është ndryshe… e mbyllur në shtëpi prej disa ditësh… me temperaturë dhe pa mundësi për të dal jashtë dhomës sime por kjo kohë vetëm, të bën të kuptosh se çfarë vërtetë ka rëndësi, kush është pranë teje, sa e rëndësishme është të jemi mirënjohës për çdo frymëmarrje! Gëzuar për mua! Me covid, por me shumë dashuri! Mezi pres të kthehem pranë jush!”- shkruan Arjola .
Dritare.net i uron ditëlindjen Arjolës, dhe urojmë që sa më shpejtë të shërohet dhe t'i kthehet ekranit./ I.M-Dritare.net
