Gjykata e Lartë rrëzon rekursin e Berishës dhe Malltezit
E Martë 22 Prill 2025, 18:06
Dritare.net
Gjykata e Lartë ka rrëzuar rekursin e kryedemokratit Sali Berisha, për masën e sigurisë “detyrim paraqitjeje” që ka vendosur Apeli i GJKKO-së për dosjen “Partizani”. Gjykata e Lartë la në fuqi edhe masën për dhëndrin e Berishës, Jamarbër Malltezin, që mbetet në arrest shtëpie.
“Sali Berisha- Mospranimin e rekursit të paraqitur nga kërkuesi Sali Berisha, kundër vendimit nr. 1 (87-2025-1), datë 03.01.2025, të Gjykatës së Posaçme të Apelit për Korrupsionin dhe Krimin e Organizuar. Jamarber Malltezi – Lënien në fuqi të vendimit nr. 21 (87-2025-30), datë 24.01.2025, të Gjykatës së Posaçme të Apelit për Korrupsionin dhe Krimin e Organizuar”, njofton Gjykata e Lartë./K.C/dritare.net
