48 orë nën pushtetin e zjarreve, vijon beteja me flakët në Delvinë, rrezikohen sërish puset e gazit! Situatë e rëndë në Gramsh!
E Mërkurë 13 Gusht 2025, 15:03
Dritare.net
Shqipëria vijon betejën me flakët e zjarrit. Delvina është e rrethuar nga zjarri edhe sot, pas luftës së mbrëmshme me flakët e llahtarshme. Zjarret kanë rrethuar kodrat e qytetit, ndërsa nga ajri po ndërhyhet me dy helikopterë. Energjia elektrike është ndërprerë.
-
Video/ Policia arreston autorët e zjarrvënieve në Memaliaj dhe Berat
-
Ministria e Mbrojtjes: Banorët e Nartës, Skënderbegasit dhe Delvinës të evakuohen menjëherë!
-
Pirro Vengu: Helikopterët dhe qindra efektivë në terren për të frenuar flakët
-
Lufta me zjarret, reagon kryeministri Rama
-
Nga Gramshi në Delvinë, Shqipëria në betejë me flakët
-
Prefekti i Vlorës: Zjarri në Delvinë dogji 4 banesa
-
Gramshi përballë tragjedisë së flakëve, një ditë që la plagë të thella
-
Delvina gjatë natës në flakë, zjarret pranë spitalit. Çfarë po ndodh sot!
-
Shqipëria po digjet nga flakët, por ja si do të jetë moti sot!
Banorët e lagjes Kasapaj në Delvinë janë evakuuar plotësisht. Aktualisht zjarri po rrezikon puset e gazit në këtë lagje. Forcat zjarrfikëse e kanë përqëndruar punën në Kasapaj për të zbrapsur flakët.
Ndërkohë, Ministria e Mbrojtjes thotë se efektivët e Forcave të Armatosura kanë arritur me sukses të ndalojnë avancimin e flakëve drejt banesave në Delvinë.
Situatë emergjente është edhe në Gramsh, veçanërisht në fshatin Nartë të njësisë administrative Skënderbegas. Aty veprojnë 3 helikopterë për shuarjen e flakëve. Mbrojtja ka kërkuar evakuim të banorëve nga fshatin Nartë.
Momentalisht situata është shumë e vështirë në fshatin Menkollar ku janë 3 zjarrëfikse të shoqëruara me forca të shumta të ushtrisë, të zjarrëfikësve, vullnetare banore të shumtë të zonës dhe dy helikopterë që hedhin ujë vazhdimisht për të parandaluar përhapjen e flakëve për në fshatin Nartë.
Ndërkohë është riaktivizuar zjarri edhe pranë fshatit Ërmenj dhe Koshnicë. Në teqen e Dushkut ku vazhdon të digjen sipërfaqe të madhe në pyje e kullota.
Sipas të dhënave nga kryetari i njësisë administrative Skënderbegas, rezulton që në fshatrat e Gramshit të jenë djegur 39 banesa./E.P-dritare.net
