Lufta me zjarret, reagon kryeministri Rama
E Mërkurë 13 Gusht 2025, 10:10
Dritare.net
Prej disa ditësh vendi po përballet me një situatë të vështirë për shkak të zjarreve masive. Kryeministri Edi Rama reagoi në rrjetet sociale duke falenderuar zjarrfikësit, forcat e ushtrisë, emergjencat civile, policinë dhe vullnetarët që po rrezikojnë jetën për të shuar flakët.
“Falenderim, respekt, mirënjohje me zemër për zjarrfikësit, forcat e ushtrisë, policinë, vullnetarët dhe banorët që po përballen me flakët, duke rrezikuar jetën për të mbrojtur njerëzit, shtëpitë dhe natyrën tonë”, – shkroi Rama.
Ai paralajmëroi gjithashtu masa të ashpra ndaj piromanëve që ndezin zjarre qëllimisht:
“Ata që ndezin zjarre qëllimisht, shkatërrojnë pasurinë dhe rrezikojnë jetë… duhet të marrin dënimin më të rëndë që parashikon ligji”./K.C/dritare.net
