Eksplozivi në makinën e administratorit të Vllaznisë, reagon policia

Policia e Shkodrës ka reaguar për ngjarjen e ndodhur mëngjesin e sotëm, ku iu vendos eksploziv makinës së administratorit të Vllaznisë, pak para ndeshjes me Teutën.

Suad Lici ka njoftuar policinë në orën 08:56 të mëngjesit të sotëm për një pako të mbështjellë më letër natriban poshtë makinës.

“Më datë 16.02.2020, rreth orës 08:56, shtetasi S. L. 46 vjeç, banues në lagjen “Ahmet Haxhija”, Shkodër ka njoftuar Sallën e Drejtimit në DVP Shkodër, se poshtë mjetit të tij tip Benz, ka konstatuar një pako të mbështjellë me letër natriban ku dyshohet se mund të ketë lëndë plasëse.

Në vend ndodhen shërbimet e policisë dhe grupi hetimor ku vijon puna për sqarimin e rrethanave të ngjarjes.”,- njofton policia./K.C/dritare.net