Nuk kam motivim. Këshilla e psikologes për të renë!
E Hënë 9 Shtator 2024, 13:01
Dritare.net
Përshëndetje Psikologe Enertila
Unë që ju shkruaj jam një vajzë që më ka humbur motivimi. Nuk e kuptoj përse jam kaq shumë e demotivuar. Më jepni një këshillë!
Psikologe Enertila Bekteshi përgjigjet!
Përshëndetje lexues të Dritare.net
Të gjithë ne përjetojmë mungesë motivimi në momente të jetës sonë. Është krejtësisht normale të kesh momente demotivimi, si dhe momente kur ndihesh sikur ke energjinë e nevojshme për të arritur atë që dëshiron kaq shumë. Por kur kjo paaftësi për të motivuar veten përfundon , mund të dëmtojë shëndetin mendor. Kur mungesa e motivimit është konstante dyshimi për veten mund t'i bëjnë njerëzit të mos gjejnë motivimin e tyre. Kur dyshoni në aftësitë tuaja veçanërisht sepse jeni të pasigurt ose keni vetëbesim të ulët, është normale që të përfundoni duke humbur entuziazmin për disa qëllime të përditshme. Ndonjëherë njerëzit nuk mendojnë për vendimet që marrin, gjë që mund t'i bëjë ata të kuptojnë që nuk janë mjaft të përkushtuar për një qëllim të veçantë dhe për këtë arsye nuk motivohen. Jo gjithmonë gjërat shkojnë siç priten, por kjo nuk do të thotë se do të ngecim përgjithmonë. Në vend që të përqendroheni në aspektet negative është më mirë të përpiqemi të jemi më pozitivë dhe të ndryshojmë në mënyrë aktive drejt asaj që dëshirojmë.
Të mos kesh qëllime specifike, është krejtësisht normale që të përfundoni duke u demotivuar thjesht sepse nuk keni ide mjaft të qarta. Motivimi i ulët mund të jetë gjithashtu një simptomë shumë e zakonshme e depresionit, ankthit dhe probleme të tjera të shëndetit mendor. E dashur lexuesja jonë kur nuk jemi të motivuar ose na mungon entuziazmi, është shumë e vështirë të bëjmë ndryshime të prekshme, por unë në këndvështrimin tim dua tu sugjeroj se duhet të filloni të krijoni një rutinë. Bëni një listë të të gjitha gjërave që dëshironi të bëni në jetën e përditshme, dhe përpiquni t'i organizoni ato gjatë ditës. Bërja e një liste kur shkoni për të fjetur ditën tjetër ose kur zgjoheni në mëngjes do t'ju ndihmojë t'i përmbushni këto pritshmëri, sepse do t'i keni parasysh në fillim në mëngjes. Ushtrimet e rregullta dhe ushqimi i mirë do t'ju ndihmojnë të jeni më të motivuar. Ky lloj kujdesi ju lejon të ribalanconi strukturën tuaj hormonale, që do të thotë të jeni në gjendje të menaxhoni më mirë emocionet dhe vështirësitë. E dashur lexuesja jonë ndani qëllimet e mëdha në detyra më të vogla. Përfundimi i një detyre më të vogël mund të mos ju bëjë të ndiheni të mbingarkuar. Prandaj, ndarja e sfidave të mëdha në pjesë më të vogla do t'ju lejojë të jeni më të motivuar drejt qëllimit. Shpërblejeni veten për përfundimin e detyrave lexuesja jonë. Një shpërblim i vogël kur bëni diçka të mirë do t'ju lejojë të rritni motivimin tuaj personal.
Kjo mund të jetë çdo gjë, nga një kafe e deri te një banjë relaksuese. Natyrisht, shpërblimi duhet të inkurajojë. Ju nuk jeni robotë , të zëni gjithë kohën tuaj vetëm me përgjegjësi nuk është plotësisht pozitive për të mirën tuaj. Prandaj, është po aq e rëndësishme të ndani një kohë të caktuar çdo ditë për të bërë diçka që ju relakson ose që ju pëlqen ndaj ju sugjeroj të lini një hapësirë të përditshme për argëtim.
E dashur lexuesja jonë nëse keni provuar disa strategji për të eliminuar mungesën e motivimit dhe vazhdoni të keni shumë vështirësi, mund të jetë koha e duhur për të marrë parasysh shkuarjen në terapi te një psikolog. Një psikolog mund t'ju ndihmojë të identifikoni problemin rrënjësor dhe të mësoni strategji të reja për t'u marrë me mungesën e entuziazmit dhe motivimit. Motivimi është thelbësor jo vetëm për të arritur atë që dëshirojmë kaq shumë në jetën tonë, por është gjithashtu një element kyç për mirëqenien fizike dhe mendore . Mos lejoni që demotivimi të vrasë qëllimet tuaja të jetës. Shpresoj shumë që këndvështrimi im tu ndihmojë sadopak në situatën tuaj. Gjithë të mirat!/dritare.net
