“Kam të vjella çdo mëngjes dhe ankth”! Vajza kërkon ndihmë. Ja si përgjigjet psikologia!
E Hënë 20 Prill 2026, 15:03
Dritare.net
Përshëndetje Dritare.net dhe psikologe Enertila
Unë që ju shkruaj sot jam një vajzë që kam nevojë të di nga ju për situatën time. Ajo që më ndodh mua është se kur zgjohem në mëngjes më vjen gjendje të vjellit ,kam të përziera sidomos kur jam e tresuar dhe kam ankth. Ju lutem më thoni dicka që mund të më ndihmojë.
Faleminderit.
Psikologe Enertila Bekteshi përgjigjet:
Përshëndetje lexues të Dritare.net
Kur zgjohemi duke ndjerë të përziera, trupi ynë mund të jetë në gjendje alarmi për shkak të ankthit. Të vjellat e mëngjesit mund të shfaqen sapo hapim sytë, kur trupi dhe mendja jonë po kalojnë nga gjendja e qetësisë së natës në gjendje zgjimi. Gjatë këtij tranzicioni, ankthi mund të jetë intensiv, veçanërisht nëse kemi ditë plot angazhime dhe përgjegjësi përpara. Ankthi mund të shtypë oreksin dhe ta bëjë të vështirë edhe mendimin për të ngrënë. Në këto raste, edhe mëngjesi mund të bëhet pengesë. Megjithatë, anashkalimi i mëngjesit mund të rrisë cenueshmërinë fizike dhe mendore, duke çuar në më pak energji të qëndrueshme, nervozizëm dhe ndjeshmëri të shtuar ndaj stresit. Frika nga të përzierat , dhimbjet e stomakut ose rrahjet e shpejta të zemrës mund të krijojë një rreth vicioz ku trupi dërgon një sinjal, mendja e interpreton atë si të rrezikshëm, ankthi rritet dhe simptoma përkeqësohet. Përballimi i të përzierave në mëngjes që lidhen me ankthin mund të duket i frikshëm, veçanërisht kur simptoma është intensive dhe duket e tepërt. Në këndvështrimin tim e dashur lexuesja jonë për të zbutur ankthin dhe për të evituar këtë gjendje do t’ju sugjeroja të uleni rehat mbyllni sytë dhe përqendrohuni te frymëmarrja juaj. Bëni një shtrirje të lehtë, duke i shtrirë krahët lart dhe pastaj anash, pa u sforcuar. E dashur lexuesja jonë hap dritaren dhe merr frymë ajër të pastër. E dashur lexuesja jonë pini një gllënjkë ujë dhe, nëse mundeni ecni për disa minuta. Të përzierat janë një shenjë paralajmëruese, jo një armik dhe se mund ta përballoni atë me qetësi dhe durim. Disa zakone, të tilla si vaktet e vona, konsumimi i alkoolit ose pirja e duhanit, koha para ekranit para gjumit ose darka e nxituar, mund ta përkeqësojnë situatën. Të zgjohesh duke u ndjerë keq mund të bëhet një zile alarmi psikologjik kur përsëritet shpesh, duke të bërë të shmangësh angazhimet ose situatat dhe në fund të fundit duke ndikuar në punën ose marrëdhëniet e tua. Të vjellat e mëngjesit të lidhura me ankthin mund të jenë një shoqërues i pakëndshëm dhe i vazhdueshëm. Por me kujdes, kohë dhe qëndrueshmëri, kjo simptomë mund të humbasë forcën e saj. Shpresoj shumë që këndvështrimi im t’ju ndihmojë sadopak në situatën tuaj. Gjithë të mirat!/dritare.net
