Ku ta bëni testin prenatal Veracity, për të mos lindur fëmijë me çrregullime!

Kapitulli i ri në skrinimin prenatal.

Një test i thjeshtë gjaku mund t’i japë mjekëve një informacion të gjerë rreth riskut që ka nëna për të lindur një fëmijë me çrregullime.

Intermedica sjell te pacientët e saj risinë më të fundit në diagnostikimin prenatal, nëpërmjet realizimit të testit të parë jo invaziv prenatal (NIPT), që përfshin testimin e fetusit para lindjes, me qëllim detektimin e anomalive gjenetike që ai mund të mbartë.

Ky ekzaminim përfshin testet jo invazive, të cilat bazohen në ekzaminimin e serumit të nënës dhe ultrasonografi, ndryshe nga teknikat invazive si amniocenteza dhe analiza e vileve korionike. Testimi gjenetik i fetusit kërkon material gjenetik prej tij dhe kjo deri kohët e fundit është realizuar nëpërmjet testeve invazive: lëngut amniotik, që përmban qeliza fetale me origjinë epiteliale, ose vileve korionike, që përmbajnë ind lidhës mesodermal dhe qeliza trofoblastike nga placenta.

Teknikat invasive zakonisht kanë risk të lartë për humbje fetale që vlerësohet rreth 1 në 200 raste.

Testi NIPT është një test i ri gjenetik që përdor ADN-në e lirë fetale qarkulluese në serumin e nënës për të skrinuar Aneuploiditë fetale si Trisomia 21 (Sindroma Down), Trisomia 18 (Sindroma Edward), Trisomia 13 (Sindroma Patau), Aneuploiditë e kromozomeve seksuale, Mikrodelecionet, Sëmundjet monogenike.

ADN-ja e fetusit kalon barrierën placentare dhe qarkullon në gjakun e nënës dhe kjo ADN është prezantuesja e fetusit. Ky test realizohet nëpërmjet një marrje të thjeshtë gjaku të nënës. Ky test mund të realizohet në shtatëzani unike dhe binjake. Në këtë test analizohen rreth 60 patologji të lidhura me shfaqje klinike të moderuar deri në të rëndë, duke përfshirë anomalitë kongenitale si dhe vonesat në zhvillim.

Ku bazohet NIPT dhe në cilën periudhë të shtatzënisë këshillohet të realizohet testi?

Në NIPT analizohen fragmente të kromozomeve të ADN-së fetale dhe diferencat në numrin e fragmenteve të ADN-së nga kromozome të ndryshme, që përdoren për të dalluar shtatzanitë me aneuploidi nga ato normale. Testi realizohet mbas javës së 10 të shtatzënisë.

LEXO DHE :  Komisioneri Publik nuk ankimon vendimin për prokurorin Olsian Çela

Kush duhet të kryejë këtë test?

Së pari nënat që kanë histori familjare për sëmundje të trashëguara që analizohen nëpërmjet NIPT, ato që kanë rezultate jo normale në testet biokimike dhe gjetjet ekografike gjatë shtatzënisë, femrat mbi 35 vjeç, por këtij testi duke qenë jo invaziv mund ti nënshtrohet çdo grua shtatzënë. Rekomandimet më të fundit të Kolegjit Amerikan të Obsetrikës dhe Gjinekologjisë këshillojnë mundësinë e skrinimit tek gjithë gratë shtatzëna pavarësisht moshës dhe riskut, por gjithmonë vendimi për kryerjen e testit është personal.

A mund të përdoret ky test për të përcaktuar gjininë e fetusit?

Ky test arrin të përcaktojë me saktësi gjininë e fetusit që në javën e 10-të të shtatëzanisë edhe në shtatzëni binjake. Ka shumë raste në klinikë kur testimin e kryejnë për përcaktimin e gjinisë. Përveç gjakut të nënës, tashmë ekziston mundësia për të testuar edhe 50 sëmundje të tjera nëpërmjet marrjes së materialit nga mukoza e gojës së babait biologjik.

Pse duhet zgjedhur Intermedica për kryerjen e këtij ekzaminimi?

Intermedica realizon testin Veracity/Veragene (NIPT i gjeneratës së re), prodhuar nga NIPD Genetics, një nga kompanitë më inovative në bioteknologji, e bazuar në diagnostikën joinvazive, që siguron zgjidhje gjithmonë në evolucion për diagnozën dhe menaxhimin e sëmundjeve gjenetike. Në krahasim me testet e tjera, Veracity është testi më i saktë për të përcaktuar riskun që ka nëna për të lindur një fëmijë me çrregullime kromozomike. Duke qënë se ky test realiozhet që në javën e 10–të të shtatzënisë, nuk ka risk për abort pasi nuk është test invaziv dhe ka saktësi mbi 99%, pra padyshim Veracity mbetet testi prenatal ideal./dritare.net

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.