Hong Kongu do të përfundojë vitin 2019 me protesta të shumta të planifikuara për festat e Vitit të Ri dhe ditës së Vitit të Ri që synojnë të prishin festimet dhe blerjet në qendrën tregtare aziatike.
Organizatorët kanë planifikuar disa protesta gjatë mbrëmjes së 31 dhjetorit dhe ditës së 1 janarit, që pritet që të jenë të dhunshme, dhe të prishin festimet për Vitin e Ri 2020.
Një marshim i madh është lajmëruar me 1 janar, ndërsa policia ka dhënë leje.
Protestat në Hong Kong kanë nisur që në qershorin e 2019, ndërsa kanë tërhequr vëmendjen e botës, edhe për shkak të dhunës dhe pjesëmarrjes masive.
“Në Ditën e Vitit të Ri, ne duhet të tregojmë solidaritetin tonë … t’i rezistojmë qeverisë. Shpresojmë që njerëzit e Hong Kongut të vijnë në rrugë për të ardhmen e Hong Kongut, “tha Jimmy Sham, një drejtues i grupit organizativ.
Protestat filluan në qershor që kundërshtonin një projekt-ligj të tërhequr tani që do të lejonte ekstradimet në territorin e Kinës, ku gjykatat kontrollohen nga partia komuniste dhe kanë evoluar në një lëvizje më të gjerë pro-demokracisë. / I.M-Dritare.net
