Na ndiqni edhe në

Arkiv

Helmimi i 60 gjimnazistëve në Fier, 2 të proceduar

Helmimi i 60 gjimnazistëve në Fier, 2 të proceduar

Policia ka proceduar penalisht dy nxënës pas helmimit të 60 nxënësve në gjimnazin “Janaq Kilica” në Fier.

Mësohet se nxënësit janë proceduar pasi dyshohet se hodhën spraj gazi në shkollë.

Spraji ishte përdorur nga nxënësit A.M. 15 vjeç dhe A.H. 15 vjeç.

"Specialistët për Hetimin e Krimeve në Komisariatin e Policisë Fier, nën drejtimin e Prokurorisë Fier, zbardhën ngjarjen e ndodhur ditën e djeshme, ku si pasojë e përdorimit të një sprajti me lëndë gazi, në ambientet e brendshme të shkollës, disa nxënës shfaqën shqetësime me frymëmarrjen dhe pasi morën ndihmën e parë në Spitalin Rajonal Fier, u larguan për në banesë.

Në përfundim të veprimeve hetimore rezultoi se sprajti ishte përdorur nga 2 nxënës të kësaj shkolle, konkretisht A. M., 15 vjeç dhe A. H., 15 vjeç, të cilët u proceduan penalisht.

Materialet i kaluan Prokurorisë pranë Gjykatës së Shkallës së Parë Fier, për veprat penale “Ndotja e ajrit” dhe “Prishja e qetësisë publike”.",- njofton policia./K.C/dritare.net