Kryebashkiaku Erion Veliaj i është drejtuar me një mesazh Partisë Socialiste, e cila pas pak do të mbajë Asamblenë.
Kryebashkiaku thotë se partia është më e madhe se kryetari. Ai kërkon reflektim nga partia, debat të hapur, llogaridhënie dhe aktivizimin e mocionit të mosbesimit ndaj kryetarit Rama.
Postimi i plotë:
Partia Socialiste është më e madhe se kryetari i saj!
Sot, nga qelia ku më kanë kyçur vetëm trupin, iu drejtova Asamblesë Kombëtare të PS-së me një fjalim për atë që ishim, atë që jemi bërë dhe atë që duhet të bëjmë.
Quo Vadis, PS?
Pse kemi zëvendësuar debatin me heshtjen, solidaritetin me frikën dhe meritokracinë me besnikërinë personale?
Në fjalimin tim kërkoj debat të hapur, llogaridhënie për mënyrën e drejtimit të partisë dhe aktivizimin e procedurës statutore të mocionit të mosbesimit ndaj kryetarit të PS-së, Edi Rama.
“Prova e vërtetë e një drejtuesi nuk është sa gjatë arrin ta mbajë pushtetin, por çfarë institucionesh lë pas, për shtetin dhe njerëzit e tij.”
