Shenjë e fortë e krizës klimaterike/ Bie shi për herë të parë në Grenlandë
E Shtunë 21 Gusht 2021, 18:06
Dritare.net
Për herë të parë regjistrohen reshje shiu në Grenlandë. Temperaturat normalisht janë shumë nën zero në majën 3,216 metra dhe reshjet janë një shenjë e fortë e krizës klimatike. Shkencëtarët në stacionin samitor të Fondacionit Kombëtar të Shkencës të SHBA-së panë që shiu po binte gjatë 14 gushtit, por nuk kishin matës për të matur rënien sepse reshjet ishin të papritura. Në të gjithë Grenlandën u lëshuan nga retë rreth 7 miliardë tonë ujë.
Shiu ra gjatë tre ditëve jashtëzakonisht të nxehta në Grenlandë kur temperaturat ishin 18 gradë më të larta se mesatarja. Si rezultat, u vu re shkrirje e akullnajave në pjesën më të madhe të Grenlandës.
Raporti i fundit nga Paneli Ndërqeveritar për Ndryshimet Klimatike arriti në përfundimin se ishte e qartë se emetimet e karbonit nga aktivitetet njerëzore po ngrohin planetin dhe shkaktojnë ndikime të tilla si shkrirja e akullit dhe ngritja e nivelit të detit./K.C/dritare.net
