Kur do të mbahet raundi i ri i negociatave SHBA-Ukrainë!
E Enjte 6 Mars 2025, 21:09
Dritare.net
Konsultimet mes palëve të përfshira për çështjen e Ukrainës janë të ethshme, me të dhënat që ndryshojnë vazhdimisht gjatë gjithë ditës.
Kështu, nga “akulli” që Donald Trump nisi të hidhte të premten e kaluar, pas takimit episodik me Volodymyr Zelensky në Zyrën Ovale, sot të dhënat duket se kanë ndryshuar për mirë sepse të dyja palët kanë rihapur një kanal komunikimi.
Në këtë kontekst, sipas faqes së internetit Axios, e cila citon dy burime, zyrtarët e lartë amerikanë dhe ukrainas pritet të takohen në Arabinë Saudite të mërkurën e ardhshme, më 12 mars.
Për të njëjtën temë, Fox News raportoi se një delegacion amerikan, duke përfshirë Sekretarin e Shtetit të SHBA-së, Marco Rubio, të dërguarin special të liderit amerikan për Lindjen e Mesme, Stephen Witkoff dhe Këshilltarin e Sigurisë Kombëtare të SHBA-së, Mike Walz, do të udhëtojnë në Riad të martën për t'u takuar me ukrainasit, duke përfshirë shefin e shtabit të Volodymyr Zelensky, Andri Ymak.
“Zyrtarët e lartë amerikanë dhe ukrainas do të takohen në Arabinë Saudite të mërkurën e ardhshme. Këshilltari i Sigurisë Kombëtare Waltz dhe shefi i shtabit të Zelensky ranë dakord dje për të mbajtur këtë takim”, thuhet në raportim./K.C/dritare.net
