Ka një marrëveshje SHBA-Iran? Ja çfarë thotë zëvendëspresidenti amerikan!
E Premte 29 Maj 2026, 17:05
Dritare.net
Zëvendëspresidenti amerikan JD Vance deklaroi se Shtetet e Bashkuara dhe Irani duhet të zgjidhin ende disa çështje të pazgjidhura përpara se të arrihet një marrëveshje lidhur me konfliktin.
Në një intervistë për BBC, Vance tha se është ende herët për të përcaktuar nëse dhe kur presidenti Donald Trump do të nënshkruajë një marrëveshje me Teheranin.
Më herët, zyrtarë amerikanë i thanë BBC-së se të dyja palët kanë rënë dakord në parim për një memorandum mirëkuptimi, i cili pret miratimin e Trump dhe udhëheqjes iraniane. Marrëveshja e propozuar parashikon zgjatjen e armëpushimit për 60 ditë dhe nisjen e bisedimeve për të ardhmen e programit bërthamor të Iranit.
Megjithatë, agjencia gjysmëzyrtare iraniane Tasnim raportoi se dokumenti ende nuk është finalizuar apo konfirmuar zyrtarisht.
Sipas raportimeve, kuadri i marrëveshjes mund të garantojë kalim të pakufizuar në Ngushticën e Hormuzit dhe t’i japë Iranit 30 ditë afat për të hequr minat nga kjo rrugë strategjike detare./K.C/dritare.net
