15 këshilla praktike si ta hiqni qafe rrëmujën nga kuzhina!
E Enjte 29 Shkurt 2024, 00:12
Dritare.net
Një nga arsyet pse është e vështirë të heqësh qafe një rrëmujë në shtëpi është inercia. Kur sjellim gjëra të reja në shtëpinë tonë, ne nuk arrijmë t’i sistemojmë dhe i vendosim në mënyrë rastësore ose aty ku na kap syri pak vend të lirë, duke menduar se është një zgjidhje e përkohshme dhe se më vonë do të gjejmë vendin e duhur për to. Por përfundimisht ato qëndrojnë atje, duke krijuar një rrëmujë të madhe.
Në këtë artikull do të gjeni disa ide praktike si t’i organizoni sendet e kuzhinës që mos çmendeni më nga rrëmuja.
1.Përdorni një organizator për objektet që janë gjithmonë në tryezë për të krijuar më shumë hapësirë dhe për të vënë rregull!
2. Organizoni rafte shtesë për të përdorur të gjithë hapësirën e dobishme në dollapët e kuzhinës!
3. Mund t’i vendosni kavanozat me erëza te disa kapëse plastike në mënyrë që të mos rrëmoni kot në rafte!
4. Petëzat, letrat për pjekje dhe qeset plastike mund të ruhen në një organizator për dokumentet, këshillon dritare.net
5. Vendosni kontejnerë të veçantë në frigorifer për të renditur produktet!
6. Një mbajtëse lëvizëse është gjithmonë zgjidhje e përsosur nëse keni shumë kavanoza të vegjël në kuzhinë!
7. Është më mirë që tabakatë, dërrasat ku prini frutat e perimet dhe mishin, enët e pjekjes me lartësi mesatare t’i vendosni vertikalisht në një send mbajtës.
8. Përdorni një mbajtëse të veçantë për të mos i hequr tiganët e rëndë çdo herë që duhet të gatuani!
9. Kanoçet mund të vendosen në një organizator të veçantë!
10. Shumica e enëve të kuzhinës duken më mirë në varëse në formë grepi sesa në rafte!
11. Instaloni një mbajtëse kapakësh në pjesën e brendshme të bufesë!
12. Është më mirë t’i ruani patatet dhe qepët në një raft vertikal, jo në qese ose në kuti!
13. Zgjidhni kontejnerë në formë katrore!
14. Qeset e çajit futini në një tabaka transparente!
15. Ruajini enët e ushqimit dhe kapakët e tyre veç e veç./K.C/dritare.net
