Video/ Surpriza e së bijës që përloti Aleksandër Gjokën për datëlindje!
E Mërkurë 13 Mars 2019, 18:06
Dritare.net
Surpriza më e bukur në këtë darkë ishte ardhja e së bijës. Xhoel kishte ardhur nga Italia enkas për datëlindjen e të atit dhe zgjodhi një mënyrë të bukur për ta befasuar. Xhoel u vesh si kameriere e lokalit dhe e befasoi të atin. Fillimisht këngëtari nuk e kuptoi fare që ishte ajo, por më pas kur e zbuloi, u përlot dhe e përqafoi.
Xhoel bashkë me të ëmën dhe vëllanë jetojnë prej shumë vjetësh në Itali, prandaj edhe pjesëmarrja në këtë formë e surprizoi jashtë mase Aleksandër Gjokën. Dritare.net sjell ekskluzivisht për ju disa çaste nga festa e datëlindjes së këngëtarit.
https://youtu.be/XjVuiOHky_8
‘Videon e filmuar nga Daniel Muçaku’
Dhurata të shumta ka marrë këngëtari nga të afërmit e miqtë. Një dhuratë e veçantë, përpos befasisë nga e bija, ishte edhe shishja e verës e personalizuar nga kryeministri i vendit, Edi Rama.
Dritare.net mëson se të pranishëm në festën e datëlindjes së këngëtarit ishin dhe Redon Makashi, Elton Deda Kujtim Spahiu, Sokol Shehu, Eneda Tarifa, Arian Gjici, Erion Mustafaraj, Dashnor Diko, i nipi Enis Gjoka, Bledar Sejko etj./K.C/dritare.net
