Si e pritën gazetarin anglez në një stan në Amantia!
Friday 3 July 2026, 12:12
Dritare.net
Udhëtimi i gazetarit dhe fotografit anglez Robert Hackman drejt Amantias nuk ishte vetëm një eksplorim i një prej qyteteve më të rëndësishme të Ilirisë së lashtë, por edhe një udhëtim në origjinën e një tradite që vazhdon të jetojë edhe sot. Në kodrat ku dikur u ngrit qyteti antik, blegtoria mbetet pjesë e përditshmërisë së banorëve, ashtu siç ka qenë prej mijëra vitesh. Pikërisht nga këto tufa delesh nis edhe historia e një prej produkteve më të njohura të zonës, kaçkavallit.
Gjatë rrugës, Robert Hackman u ndal në shtëpinë e barinjve vendas, ku u prit nga Viktori dhe nëna e tij. Familja e ftoi të shijonte një gotë dhallë të freskët, të përgatitur nga qumështi i deleve të tyre, një gjest i thjeshtë që pasqyron mikpritjen shqiptare. Për gazetarin anglez, ky ishte një moment që e ndihmoi të kuptonte se lidhja mes barinjve, deleve dhe prodhimit të kaçkavallit nuk është vetëm pjesë e traditës, por një mënyrë jetese që është ruajtur brez pas brezi.
Nga kullotat e Amantias deri në sallën e përpunimit të djathit, reportazhi tregon se si qumështi i deles shndërrohet në kaçkavall përmes një procesi që ndërthur mjeshtërinë, durimin dhe dijen profesionale.
Shiko të plotë këtu:
