Pse grave shtatzëna u mpihen duart dhe u bëjnë miza-miza!
E Premte 12 Shtator 2025, 21:09
Dritare.net
Shumë gra shtatzëna përjetojnë mpirje, pickime ose ndjesi shpimi gjilpërash në duar dhe gishta, veçanërisht gjatë tremujorit të tretë. Kjo gjendje lidhet kryesisht me sindromën e tunelit karpal, që shkaktohet nga presioni mbi nervin median në kyçin e dorës.
Sipas studimeve, deri në 60% e grave shtatzëna mund të preken nga ky problem. Shkaku kryesor është grumbullimi i lëngjeve dhe ënjtja, që rritet gjatë shtatzënisë për shkak të ndryshimeve hormonale. Simptomat shpesh përkeqësohen natën ose pas lëvizjeve të përsëritura me duar.
Pas lindjes, në shumicën e rasteve simptomat zhduken vetvetiu, pasi trupi heq lëngjet e tepërta dhe balancohet hormonaliteti.
-Si të lehtësohen simptomat:
-Përdorimi i mbajtëseve për kyçin gjatë natës;
-Pushime nga aktivitetet që përkeqësojnë mpirjen;
-Ushtrime të lehta për kyçin dhe dorën;
-Konsultim me mjekun kur mpirja është e fortë ose shoqërohet me dhimbje të mëdha./K.C/dritare.net
