Për 4 persona nevojitet:
1 oktapod 700 g
1 sepje
1 kallamar
20 karkaleca të freskëta
3 lugë vaj ulliri ekstra i virgjër
2 lugë majdanoz të freskët të copëtuar
2 lugë lëng limoni
1 thelbi hudhër
kripë sipas dëshirës
Përgatitja:
Lani të gjitha frutat e detit në ujë të rrjedhshëm dhe të bollshëm. Vendoseni oktapodin në një enë të mbushur me ujë të ftohtë dhe ziejeni për 10 minuta me kapak të mbyllur. Ndërkohë pastroni karkalecat duke u hequr kokën, shiritin e zi në bark dhe lëkurën, duke i lënë vetëm bishtin paprekur.
Shtoni në ujin që po zien sepjen dhe lërini edhe për 10 minuta. Shtoni në fund edhe kallamarin dhe pas pesë minutash, karkalecat e pastruar.
Hiqeni enën nga zjarri, kullojeni dhe lërini të ftohen. Pritini sepjen dhe kallamarin në copa jo shumë të vogla, hiqni lëkurën e oktapod duke e gërvishtur me një thikë dhe prerë atë në mënyrë të barabartë me copat e kallamarit. Mblidhni të gjitha në një tas bashkë me karkalecat.
Plotësojeni sallatën e frutave të detit me majdanozin, hudhrën e copëtuar, lëngun e limonit, kripën dhe vajin e ullirit.
Përziejini mirë dhe lëreni në frigorifer për të paktën 2 orë përpara se ta shijoni./dritare.net/
