Rama firmos vendimin, Piro Misha drejtori i ri i Bibliotekës Kombëtare
E Premte 2 Gusht 2019, 10:10
Dritare.net
Rama ka firmosur vendimin, për ta emëruar drejtor të ri të Bibliotekës Kombëtare.
Misha është një nga emrat e njohur të letrave shqipe, përkthyes, publicist, botues, autor i disa librave, njeri i angazhuar në çështje me ndjeshmëri qytetare.
Ai zëvendësoi Persida Asllanin, e cila e mbajti këtë pozicion për 5 vjet. Kjo e fundit dha dorëheqjen, duke zgjedhur mes postit të drejtores së BKSH-së dhe karrierës akademike, këtë të fundit. Ajo i është rikthyer me kohë të plotë Fakultetit të Histori Filologjisë.
V E N D I M PËR EMËRIMIN NË DETYRË TË DREJTORIT TË BIBLIOTEKËS KOMBËTARE
Në mbështetje të nenit 100 të Kushtetutës dhe të nenit 27, të ligjit nr.8576, datë 3.2.2000, “Për bibliotekat në Republikën e Shqipërisë”, të ndryshuar, me propozimin e ministrit të Kulturës, Këshilli i Ministrave
V E N D O S I:
Piro Misha emërohet drejtor i Bibliotekës Kombëtare.
Ky vendim hyn në fuqi menjëherë dhe botohet në “Fletoren zyrtare”./E.B-dritare.net
