Pas marshimit nga Ministria e Arsimit, protestuesit ndalen para Kryeministrisë
Saturday 31 October 2026, 17:05
Dritare.net
Protesta kombëtare në Tiranë vijon këtë pasdite në bulevardin “Dëshmorët e Kombit”, ku protestuesit janë zhvendosur përpara Kryeministrisë, pas tubimit të zhvilluar më herët pranë Ministrisë së Arsimit.
Të rinjtë dhe qytetarët po vijojnë qëndrimin në shesh, duke kërkuar dorëheqjen e kryeministrit Edi Rama dhe ndryshimin e qeverisjes.
Në protestë janë të pranishëm edhe mbështetës të opozitës, ndërsa kërkesa kryesore e tubimit mbetet largimi i qeverisë dhe krijimi i një qeverie tranzitore.
Ndërkohë, godina e Kryeministrisë është e rrethuar nga forca të shumta policie, ndërsa në zonë janë vendosur edhe autobotët me ujë.
Reshjet e shiut nuk i kanë ndalur protestuesit, të cilët vijojnë të qëndrojnë në bulevard.
