Vrasja e 19-vjecares në Tuz, Emina Cunmulaj: Çohu malësi! Sot është në derën e huaj, nesër mund të jetë në tënden!
E Diel 3 Tetor 2021, 09:09
Dritare.net
Në Malin e Zi sot do të mbahet një protestë për vrasjen e 19-vjeçares shqiptare, Sheila Bakija, nga partneri i saj.
Thirrjet për protestë janë bërë në rrjetet sociale, ku pjesë e tyre ka qenë edhe modelja shqiptare me famë botërore, Emina Cunmulaj.
“Çohu malësi në këmbë se nuk kemi bija me na u vra. Çohu se sot është e dikujt tjetër, nesër mund të jetë në derën tënde”, është një nga thirrjet për protestë.
Ngjarja tragjike ndodhi dy ditë më parë, ku autori Ilir Gjokaj shkoi në banesën e familjes së Sheila Bakijas, duke qëlluar me breshëri armë këdo që i ka dalë përpara. Plumbat i kanë marrë jetën edhe gjyshes së saj, ndërsa babai ka mbetur i plagosur.
Autori Ilir Gjokaj është ende në arrati. Ngjarja ka sjellë reagime të shumta në rrjet ku është shpërndarë fotoja e të resë me një mesazh të shkruar në vetën e parë./L.F-dritare.net
