Sot u kthye ora verore, akrepat shkojnë 60 minuta para
E Diel 30 Mars 2025, 08:08
Dritare.net
E diela e fundit e marsit shënoi edhe ndryshimin e orës, ku akrepat lëvizën 60 minuta përpara.
Ndërrimi u bë në orën 02:00, kur akrepat kapërcyen direkt në 03:00. Në këmbim të një ore gjumë më pak do të kemi një orë dritë më shumë. Ky ndryshim është bërë për t’u mundësuar të gjithë njerëzve të shijojnë më shumë ditën dhe rrezet e diellit.
Praktika e ndërrimit të orëve u prezantua për herë të parë në Luftën e Parë Botërore dhe u rivendos sërish në praktikë gjatë krizës së naftës në vitet 1970, duke synuar kursimin e energjisë duke shfrytëzuar dritën e ditës në verë.
Ndryshimi i orës në Europë u vendos si ligj në vitin 1981 dhe është rinovuar çdo katër vjet./dritare.net
