Rama: Hapësirat publike kthehen tek komuniteti!
E Enjte 14 Gusht 2025, 16:04
Dritare.net
Kryeministri Edi Rama njofton se çmontimet e objekteve të zëna në mënyrë të paligjshme nuk janë thjesht një aksion i përkohshëm, por pjesë e programit katërvjeçar Rilindja Urbane 2.0. Programi synon jo vetëm çmontimin, por edhe rehabilitimin dhe transformimin e hapësirave publike në zona cilësore për bashkëjetesën komunitare.
View this post on Instagram
Rama paralajmëron se kush nuk lirojnë hapësirën e zënë, në fund do ta bëjnë me detyrim dhe me gjobë.
Postimi:
Disa e vonojnë çmontimin vullnetar me idenë e gabuar se “aksioni do mbarojë”, por ky nuk është një aksion, është një program katërvjeçar që quhet Rilindja Urbane 2.0 dhe ky program nuk mbaron me këto çmontime, po vazhdon me rehabilitimin e me transformimin e hapësirave publike në hapësira cilësore bashkëjetese komunitare
Kush nuk e liron më mirë vetë hapësirën që ka zënë, në fund do ta lirojë bashkë me një gjobë.
