Manastirliu: Më shumë se 1 milion e 90 mijë vaksinime që nga fillimi i imunizimit
E Mërkurë 21 Korrik 2021, 21:09
Dritare.net
Ministrja e Shëndetësisë, Ogerta Manastirliu shkruan se mbi 1 milion e 90 mijë shqiptarë janë vaksinuar ndaj Covid-19.
Ajo thotë se vetëm nëpërmjet këtij procesi do të mund të frenohet përhapja e Covid-19, duke mbrojtur veten dhe njerëzit. Manastirliu ka publikuar edhe disa foto nga vaksinimi në Sukth të Durrësit.
"Vaksinim Vaksinim Vaksinim
Më shumë se 13 mijë qytetarë u vaksinuan sot, ndërsa janë 1,095,453 vaksinime të kryera që prej fillimit të këtij procesi jetik.
Vetëm përmes vaksinimit mund të frenojmë përhapjen e #Covid19, duke mbrojtur veten dhe njerëzit e dashur.
***Vaksinimi me njësitë e lëvizshme në Sukth të Durrësit.",- shkruan Manastirliu./M.T/dritare.net
