Një foto e një kali të djegur, e cila u shpërnda masivisht në rrjetet sociale ditën e djeshme, ka tërhequr vëmendjen dhe solidaritetin e qytetarëve.
Bëhet me dije se kali, i cili u gjet në gjendje kritike pas zjarrit që përfshiu qytetin, është shpëtuar sot falë reagimit të shpejtë dhe angazhimit të komunitetit lokal.
Në mes të kaosit që shkaktoi zjarri në Delvinë, ky kal, i cili kishte pësuar djegie të shumta dhe plagë të rënda, u gjet dhe menjëherë u mor në kujdes nga qytetarët dhe një klinikë veterinare. Fotoja e tij, e cila u shpërnda shpejt në rrjetet sociale, shkaktoi një valë reagimesh dhe angazhimi për ta shpëtuar.
Elena Kocaqi, gazetare dhe një prej individëve që ka ndjekur ngjarjen, postoi në Facebook se kalit i janë dhënë trajtimet e nevojshme. "Ka pasur disa njerëz të cilët, që nga mbrëmja, kanë kërkuar kalin dhe një klinik e ka marrë atë për trajtim. Kalit iu dha qetësues dhe anti-inflammatorë, ndërkohë që plagët janë pastruar dhe ai tani është në rrugën e duhur për rikuperim," shkroi Kocaqi.
Ajo gjithashtu bëri thirrje për kujdes të vazhdueshëm ndaj kafshëve të traumatizuara: "Përqafoni kafshët, sepse kjo i ndihmon të shërohen dhe rrit imunitetin. Humanizmi dhe dashuria për kafshët janë të domosdoshme."/E.P-dritare.net
