Na ndiqni edhe në

Ngjarjet e Ditës

Brataj: Përgatituni për një sezon gripi më të fortë këtë vjeshtë-dimër, vaksinimi i domosdoshëm

Brataj: Përgatituni për një sezon gripi më të

Kreu i Urgjencës Kombëtare, Skënder Brataj, ka dhënë një paralajmërim të qartë mbi atë që pritet gjatë sezonit vjeshtë-dimër në Shqipëri dhe në Europë, duke u bazuar në situatën aktuale të gripit në hemisferën e jugut.

Sipas tij, Australia po përjeton një rritje mbi 70% të rasteve të reja me grip krahasuar me vitin e kaluar, ndërsa shtrimet në spital janë rritur mbi 50%. Përdorimi i urgjencës paraspitalore dhe ambulancave, theksoi Brataj, është pothuajse i dyfishuar.

Cilat janë viruset që qarkullojnë?

Në Australi aktualisht po qarkullojnë dy nëntipe të gripit:

Gripi i tipit AH1N1
Gripi i tipit B – nënlloji Viktoria
Këta pritet të jenë edhe viruset që do të përhapen në Shqipëri dhe në Europë gjatë muajve të ftohtë.

Kush janë më të rrezikuarit?
Brataj theksoi se grupet më të ekspozuara ndaj komplikacioneve janë:

Të moshuarit
Gratë shtatzëna
Fëmijët
Personat me sëmundje bashkëshoqëruese, pavarësisht moshës
Apeli i kreut të Urgjencës

“Vaksinimi është i domosdoshëm. Duke parë shifrat e hemisferës së jugut, pritet që në Shqipëri dhe në Europë intensiteti i gripit këtë vit të jetë shumë më i lartë sesa ai i vitit të kaluar. Vaksina e gripit ul ndjeshëm rrezikun e infektimit dhe komplikacioneve,” u shpreh Brataj./L.F-dritare.net