Mirupafshim depilim, nuk marr vendime për trupin tim që të kënaqen të tjerët!
E Diel 18 Korrik 2021, 21:09
Dritare.net
Mirupafshim depilim. Të heqim mustaqet? Më mirë t’i mbash dhe t’i nxjerrësh në pah me më shumë bojë për vetulla. Këto janë fjalët e Joanna Kenny, influencuese angleze.
"Heqja e mustaqeve është një privilegj! Ka pasur shumë fjalë rreth buzës sime të sipërme me mustaqe gjatë javëve të fundit. Dhe ndërsa kam marrë komente të panumërta që shfaqin emoji me pështirosje, por gjithashtu kam marrë mesazhe që thonë: Po e bën për vëmendje. Nuk mund t'u përgjigjesha të gjitha komenteve ose ribotimeve. Imazhi im u ripostua pa më etiketuar. Unë mund të supozoj se kjo ndodhi sepse nuk donin të diskutonin çështjen që në 2021 ekzistenca e një gruaje është ende kryesisht e përqendruar në mënyrën se sa u duken burrave tërheqëse.
Sigurisht me kënaqësi do ta pranoj që kam vënë remel mbi buzë, por jo për të tërhequr vëmendjen.
E kam thënë vazhdimisht, ky NUK është një trend bukurie që po përpiqem ta filloj. Kjo nuk jam unë duke thënë "hej, ju duhet shihni këtë gjë si tërheqëse. Ajo që dua është që njerëzit të mos ndihen sikur duhet të heqin qimet e fytyrës për tu parë si më femërore. Unë dua që njerëzit të bëjnë zgjedhje në lidhje me trupin e tyre pa frikë nga gjykimi.
Do të ketë njerëz që e lexojnë këtë që kanë një çekuilibër hormonal ose duhet të marrin ilaçe që i shkakton rritje më të madhe të qimeve në trup. Ata nuk kanë një zgjedhje. Dhe tani për tani ata nuk mund të vazhdojnë me presionin shoqëror për të hequr ose zbardhur çdo qime të vetme për t'u përshtatur me të tjerët.
Do të ketë gjithashtu njerëz që e lexojnë këtë që nuk kanë mundësi të heqin qimet në mënyrë profesionale dhe metodat DIY përkeqësojnë lëkurën e tyre, kështu që ti lësh të rriten është opsioni më i mirë.
Ata njerëz do të lexojnë komentet.
Ata shohin emoji pështirosjeje që është i gjithë konfirmimi që u duhet se nuk do të pranohen si njerëzorë që janë. Kështu që unë do të vazhdoj të vendos remel në buzë derisa njerëzit të kuptojnë se qimet ekzistojnë dhe nuk më vjen keq nëse kjo i bën njerëzit të pakëndshëm dhe sigurisht nuk më intereson nëse burrave u duket jo tërheqëse! Unë nuk marr vendime për trupin tim për të kënaqur njerëzit e tjerë", shkruan ajo në një status në "Instagram"./M.M-dritare.net
