Pse fillon viti shkollor në vjeshtë? Origjina ka një simbolikë
E Mërkurë 3 Shtator 2025, 16:04
Dritare.net
Shumë prindër dhe nxënës ndjejnë sikur viti ka dy “fillime të reja”: fillimi i vitit kalendarik në janar dhe fillimi i vitit shkollor në vjeshtë. Por pse shkollat nuk fillojnë në fillim të vitit?
Sipas studiuesit të arsimit Thomas R. Guskey, PhD, arsyeja lidhet me kohën kur shoqëria ishte kryesisht bujqësore. Kur u miratuan ligjet e para për arsimin e detyrueshëm, nxënësit duhej të ishin në shtëpi gjatë sezonit të mbjelljes dhe korrjes për të ndihmuar në punët e fermës. Kështu, vitet shkollore u organizuan në muajt e ftohtë, kur nuk kishte shumë punë bujqësore.
Në qytete, nxënësit shkolloheshin pothuajse gjatë gjithë vitit, pasi nuk varej nga bujqësia. Rreth vitit 1900, u bë një kompromis: shkollat fillonin pas 1 shtatorit dhe mbaronin pas 25 majit, duke u dhënë fëmijëve mundësinë të ndihmonin në fermë gjatë verës, por duke ruajtur një kalendar të standardizuar arsimor.
Në jug të SHBA-së, vitet shkollore fillojnë më herët për shkak të temperaturave të larta dhe mungesës së kondicionerëve në kohën e kaluar. Ndërsa në botë, vendet në hemisferën jugore si Australia fillojnë shkollën në janar, pas verës.
Sidoqoftë, Guskey thekson problematikën e “humbjes së verës”, ku fëmijët humbasin disa aftësi akademike gjatë pushimeve të gjata. Edhe pse shumë gjenerata sot shijojnë verën duke luajtur, duke lexuar ose duke u relaksuar, kjo traditë e fillimit të shkollës në vjeshtë vjen direkt nga koha kur fëmijët ndihmonin në fermat amerikane./L.F-dritare.net
