Shokuese në Pejë/ Infermierja rreh të moshuarën, koleget e filmojnë dhe tallen me të!
E Mërkurë 2 Nëntor 2022, 15:03
Dritare.net
Një ngjarje e rëndë ka ndodhur në një shtëpi të moshuarve në Pejë.
Në pamjet e publikuara në rrjetet sociale, shihet se si disa punonjëse të kësaj shtëpie kanë sulmuar fizikisht një grua të moshuar, ndërsa njëra prej tyre e ka qëlluar me shpulla e shqelma, teksa koleget e tyre “shkrihen së qeshuri” nga kjo mizori e as nuk e marrin mundimin që ta ndalojnë, por e filmojnë.
“Pak jam tu ja hi qysh di me sill unë, pak jam tu ja hi”, dëgjohet duke thënë infermierja.
Aktorja Kaltrinë Zeneli e ka publikuar videon në rrjetet sociale ku shkruan se është e shokuar dhe se nuk di çfarë të shkruajë për pamjet
“Do me thane spo di as se ka me ja nis e as cka me shkrujte ma perpara.…”, shkruan aktorja, teksa shpërndan videon.
Një pamje e tillë ka sjellë zemërim në opinionin publik, e për pasojë qytetarët u kanë bërë thirrje autoriteteve që të ndërmarrin masa. Pas publikimit të këtyre pamjeve Policia e Pejës ka konfirmuar arrestimin e dy vajzave për rrahjen brutale të të moshuarës në Pejë. Bëhet fjalë për vajzën brune që ka dhunuar të moshuarën si edhe personin që ka filmuar.
"Policia menjёherё ёshtё vёnё në veprim dhe rreth orёs 14:10, ka identifikuar lokacionin dhe ka arrestuar dy (2) tё dyshuara lidhur me rastin. Tё dyshuarat janё duke u intervistuar nga hetuesit e Stacionit Policor nё Pejё dhe nё koordimin tё plotё me prokurorin e shtetit do tё merren veprime të mëtutjeshme", njofton policia./Xh.Xh/dritare.net
