E ngacmoi seksualisht/ Alpinistja nga Kosova publikon videon: Dhunuesi nga një familje e njohur. Jam rëndë emocionalisht!
E Premte 30 Shtator 2022, 21:09
Dritare.net
Alpinistja nga Kosova, Mrika Nikqi ka përjetuar një sulm seksual në Pejë.
Ajo nuk ka zgjedhur të heshtë në një rast të tillë, por ka publikuar videon e kapura nga kamerat e sigurisë për të ndërgjegjësuar shumë goca e gra që bien pre e ngacmimeve seksuale.
Në video shihet fare qartë se si djali,Florian Beqiraj, anëtar i një familje të njohur në qytetin e Pejës, e kap nga pas dhe tenton ta puthë me zor.
Nikqi ka treguar se për fat të mirë personi është gjetur dhe çështja ka kaluar tashmë në gjykatë, por kjo ka ndikuar në gjendjen e saj emocionale.
“Shokë e shoqe, po ju njoftoj për një rast i cili me ka tmerruar plotësisht !
Me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer me paramendim nga personi F.B, anëtarë i një familje të njohur në qytetin e Pejës.
Si pasojë e kësaj situate, për momentin jam në gjendje të rëndë emocionale dhe nuk mund të deklarohem në tërësi. Pas vendimit të plotfuqishëm të Gjykatës do të ju njoftoj për rrjedhën e situatës dhe sulmuesin e paskrupullt.
Në videon e bashkangjitur, e gjykoni vetë këtë gjest të shëmtuar, viktimë e të cilit ka mundur të jetë çdo familjarë i juaji.
Unë dhe familja u jemi mirënjohës organeve kompetente dhe qytetarëve të cilët me angazhimin e koordinuar, dhe shumë shpejtë, mundësuan identifikimin dhe arrestimin e sulmuesit i i cili ka lënë një vragë të shëmtuar në jetën time”, shkruan Nikqi.", shkruan ajo në Facebook./M.K/Dritare.net
