Trump për liderin e ISIS: Ai vdiq si qen, si frikacak
E Diel 27 Tetor 2019, 15:03
Dritare.net
Duke folur nga Shtëpia e Bardhë, Trump tha se Abu Bakr al-Bagdadi u vetëvra pasi shpërtheu jelekun me bomba, gjatë një sulmi nga forcat speciale natën e së shtunës. Bagdadi u bë i njohur në 2014-ën, kur njoftoi krijimin e një kalifati në zonat e Irakut dhe Sirisë, shkruan dritare.net
Trump tha të dielën se forcat speciale amerikane bënë një mësymje të guximshme gjatë natës dhe realizuan misionin e tyre më të madh.
"Ai vdiq duke vrapuar, duke qarë dhe bërtitur tërë kohën. Terroristi që terrorizoi kaq shumë njerëz, i kaloi çastet e fundit të jetës së tij në frikë, panik, i tmerruar se forcat amerikane do ta kapnin të gjallë. Ai vdiq si qen, si frikacak.",- tha Trump për liderin e ISIS./K.C/dritare.net
