Mbrëmjen e djeshme u raportua se djali i një deputeti shqiptar ishte arrestuar dhe dënuar në Britaninë e Madhe për trafikim të kokainës. Sot u mësua se bëhet fjalë për Amarildo Fufin, 25 vjeç, djali i deputetit Mhill Fufi, i cili u përjashtua muaj më parë nga Partia Demokratike. Sipas policisë britanike, 25 vjeçari ishte koka e grupit që merrej me trafikun e kokainës dhe sasia e dorgës që iu sekuestrua arrinte në shifrën e 2 milionë paundëve. Nga fotot që ka postuar vetë Amarildo, shihet një luks i madh që e rrethon. 25 vjeçari ka pasion makinat e shtranjta, ndërsa në club-e harxhon shuma të mëdha lekësh. Nga deputeti Fufi nuk ka asnjë reagim për këtë çështje.
