Ramush Haradinaj: Kisha të drejtë që u dorëhoqa!

Ish-kryeministri i Kosovës, Ramush Haradinaj, përmes një statudi në Facebook, shkruan se dorëheqja e tij ishin një vendim i drejtë.

Ai ka falënderuar strukturat e Aleancës, institucionet shtetërore për mbarvajtjen e procesit zgjedhor dhe partitë politike për garën e drejtë dhe të qetë.

Haradianj gjithashtu shkruan se Kosova sot tregoi se është me standarde të reja të pjekurisë politike dhe demokratike, që ka shërbyer si shembull në rajon.

Në fund të statusit të tij, ish-kryeministrin shkruan se Kosovën, tani e tutje e presin shumë sfida.

“Vendimi im për t’ia kthyer sovranit vendimmarrjen, pikërisht në kohë udhëkryqi për Kosovën, sot u vërtetua që ishte veprim i drejtë.

Fillimisht dua t’i falënderoj strukturat e Aleancës, aktivistët e mbështetësit e në veçanti secilin votues, që besuan dhe e votuan koalicionin AAK-PSD, duke u shprehë mirënjohjen time të thellë për punën e palodhshme dhe besimin e palëkundur që na e falën.

Po sot, dëshiroj të falënderoj institucionet shtetërore që kishin barrën e organizimit të zgjedhjeve dhe mbarëvajtjen e tyre, për përgjegjësinë e lartë të treguar në detyrë, përgjatë gjithë këtij procesi që ende po vazhdon.

Gara e drejt dhe e qetë, e ngriti Kosovën dhe qytetarët e saj në një standard të ri të pjekurisë politike dhe demokratike, duke shërbyer si model shembull në rajon. Për këtë meritore janë të gjitha partitë politike, pa dallim.

Uroj që me të njejtin nivel maturie, të mbyllet edhe ky cikël elektoral, duke i hapë rrugë pa vonesa, konstituimit të Kuvendit, dhe institucioneve të reja demokratike në vend.

Kosova sot nuk dallon nga vendet me demokraci të avancuar, duke dëshmuar se jemi po aq europian sa secili vend tjetër në Europë, dhe kërkesat tona për integrim dhe respektim të shtetit e sovranitetit tonë, janë të drejta të pamohueshme, ashtu siç është e paprekshme, Kosova e 17 shkurtit. Kosovë, na presin sfida! RH”, shkruan Haradinaj./E.B-dritare.net

LEXO DHE :   Besnik Muçi pas shkarkimit: Vijoj detyrën në gjykatë!

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.