Qytetarët indinjohen pas ndërprerjes së sinjalit të Ora News nga Digitalb

Ndërpreja e transmetimit të sinjalit te Ora News në platformën “Digitalb” dhe në paketat e ofruara prej saj, ka sjellë edhe reagimin e qytetarëve të ndryshëm të cilët kanë paguar për të pasur në paketën e tyre të shërbimit televiziv edhe kanalin e televizionit informativ Ora News. Në emisonin e mëngjesit “Ora Juaj”, drejtuar nga Patrik Sadikaj, pati edhe gjatë ditës së premte me dhjetëra telefonata nga qytetarë nga zona të ndryshme të vendit por edhe nga jashte Shqipërisë që paraqitën këtë shqetësim.

Qytetarët ankohen pasi kanë paguar për shërbimin e kërkuar dhe tani po përballen me errësirën e imponuar nga një ndërprerje e njënashme e kontratës me platformën e transmetimit.

Madje kishte nga ata qytetarë të cilët kërcënuan se do te hidhnin ne gjyq kompaninë që ofronte shërbimin pasi nuk ka raspektuar kontratën me secilin qytetar.

Ndërkohë shumë të tjere kanë kontaktuar me studiot e Ora News përmes mjeteve të tjera të komunkimit duke shprehur pakënaqësinë e tyre për ndërprerjen e transmetimit të këtij televizioni nga ana e Digitalb.

Ku gjendet sinjali i Ora News

Sinjalin e Ora News mund ta gjeni në të gjithë kabllorët  e Shqipërisë.

Për ata që kanë aparat marrës satelitor Hd mjafton një kërkim manual:

Eutelsat

Frekuenca  11427

Modulimi  DVB-S2

Sec- 3/4 simbol rate 27 500

Polarizimi vertikal

Për ata teleshikues që nuk u shfaqen frekuencat tona në ekranin e tyre, duhet të telefonojnë në numrat: 069 600 70 17 dhe 069 600 70 42.

Ndërsa, për ata që kanë aparat Tring, mjafton të bëjnë azhornimin e aparatit dhe do t'ju listohet kanali i Ora News free./Oranews.tv